ᑭᒍᑎᕐᓗᓕᖅᑎᑦᑎᑕᐃᓕᒪᓂᕐᒧᑦ ᑭᒍᑎᓕᕆᔭᐅᕙᓐᓂ

ᑐᖓᕕᐅᕙᒃᐳᖅ ᑕᒪᐃᓐᓂᒃ ᖃᓂᒃᑯᑦ ᑭᒍᑎᒃᑯᓪᓗ ᖃᓄᐃᖏᓐᓂᖅ ᐱᒋᐊᖅᑐᒥᒃ ᑭᒍᑎᕐᓗᓕᕇᒃᑯᑎᓂᒃ ᐊᑐᖃᑕᕐᓂᕐᒥᒃ ᐊᒻᒪᓗ ᐊᖏᕐᕋᒥ ᑲᒪᑦᑎᐊᖃᑕᕐᓂᕐᒥᒃ ᑭᒍᑎᓂᒃ. ᑭᒍᑎᓂᒃ ᑲᒪᑦᑎᐊᕐᓂᖅ ᓯᕗᓪᓕᐅᔪᖅ ᐊᒃᑐᖅᑕᐅᑦᑕᐃᓕᒪᔪᓐᓇᕐᓂᖅ ᓲᕐᓗ ᐃᑭᐊᒍᑦ ᖃᓂᖅᐱᑦ ᐱᐅᔪᓃᕈᑕᐅᔪᓐᓇᕐᓂᕐᒧᑦ ᐊᒻᒪᓗ ᐊᐅᒪᓂᓕᐊᓘᓕᕈᓐᓇᕐᓂᕐᓄᑦ. ᑭᒍᑎᓯᐅᖃᑦᑕᕐᓂᖅ ᐊᒻᒪᓗ ᑯᒃᑮᔭᐃᕙᖕᓂᖅ ᓯᕗᓪᓕᐅᒋᕗᑦ ᖃᓄᐃᖏᑦᑐᓐᓇᕐᓂᕐᒧᑦ ᑭᒍᑎᒃᑯᑦ, ᓴᐳᓐᓂᐊᕈᑕᐅᖕᒪᑕ ᑭᒍᑎᖕᓄᑦ ᐊᒻᒪᓗ ᐋᓐᓂᐊᕇᒃᑯᑕᐅᖃᑕᕐᓂᕐᒧᑦ.

ᐃᓕᔅᓯᓐᓂ ᑲᒪᑦᑎᐊᔪᓴᖃᑕᕐᓂᖅ ᑭᒍᑎᖕᓂᒃ ᓯᕗᓪᓕᑐᐃᓐᓇᐅᖕᒪᑦ. ᑕᐃᒪᖓᑦ ᑕᑯᔭᐅᖃᑦᑕᕐᓂᖅ ᖃᐅᔨᓴᖅᑕᐅᓗᑎᑦ ᑭᒍᑎᓕᕆᔨᓄᑦ ᐊᒻᒪᓗ ᓴᓗᒻᒪᖅᓴᖅᑕᐅᑎᑦᑎᖃᑕᕐᓂᖅ ᐃᑲᔪᕈᓐᓇᕐᒪᑦ ᐱᒻᒪᕆᐅᓕᕈᓐᓇᖅᑐᓂᒃ ᐱᓂᕐᓘᑕᐅᑦᑕᐃᓕᒪᔪᓐᓇᕐᓂᖅ, ᐱᒋᐊᓚᐅᖏᓂᖏᓐᓂ ᓱᓕ. ᖃᐅᔨᓴᖅᑕᐅᔭᖅᑐᕈᕕᑦ, ᕿᓂᕐᓂᐊᖅᑐᒍᑦ ᐃᓚᖏᓐᓂᒃ ᐱᑕᖃᕋᔪᖕᓂᖅᐹᖑᔪᓂᒃ ᐊᑲᐅᖏᓕᐅᕈᑕᐅᓕᖅᐸᒃᑐᓂᒃ ᒥᑭᔫᓂᖏᓐᓂ. ᖃᓄᐃᓕᐅᕈᑕᐅᒋᐊᑲᐅᑎᒋᒍᑎᒃ ᐱᒋᐊᓕᓵᕐᓂᖏᓐᓂ ᐃᑲᔪᕈᓐᓇᕐᒪᑕ ᐋᓐᓂᕐᓇᖅᑐᐊᓘᓕᕈᓐᓇᖅᑐᓂᒃ ᑎᑭᑕᐅᑦᑕᐃᓕᒪᔪᓐᓇᕐᓂᖅ, ᐱᓕᕆᐊᖑᓗᐊᕆᐊᖃᕐᓂᐊᖏᑦᑐᓂᒡᓗ ᓯᕗᓂᒃᓴᒥ.

ᖃᐅᔨᓴᖅᑕᐅᓂᕐᓂᒃ, ᑭᒍᑎᓕᕆᔨᕗᑦ ᑕᒪᐃᓐᓂᒃ ᕿᒥᕐᕈᐊᕐᓂᐊᖅᑐᑦ ᐃᑭᖓᓂᒃ ᖃᓂᖅᐱᑦ, ᑭᒍᑎᓂᒃ ᐊᒻᒪᓗ ᖃᓂᖅᐱ ᐃᓗᐊᓂᒃ. ᐃᓛᓐᓂᑯᓪᓗ ᐊᔾᔨᓕᐅᖅᑕᐅᕙᒃᑐᑦ ᖃᐅᔨᔪᒪᓪᓗᒋᑦ ᐊᐅᖕᓂᖃᕐᓂᖏᑦ ᐊᒻᒪᓗ ᓴᐅᓂᖏᑦ ᖃᓄᐃᓕᖓᓂᖏᓐᓂᒃ, ᑐᑭᓯᓇᑦᑎᐊᕐᓂᖅᓴᐅᓂᐊᖅᑐᓂᒃ.

ᑭᒍᑎᓂᒃ ᓴᓗᒻᒪᖅᓴᐃᔨᑦ ᐃᓕᓐᓂᐊᖅᓯᒪᑦᑎᐊᖅᑐᑦ ᑭᒍᑎᓂᒃ ᓴᓗᒻᒪᖅᓴᐃᑦᑎᐊᕈᓐᓇᕐᓂᕐᒥᒃ, ᑕᒪᒃᑯᓂᖓ ᑭᒍᑎᓄᑦ ᑲᑎᓕᖃᑦᑕᖅᑐᓂᒃ ᓂᐱᖓᕙᒃᑐᓂᒃ ᑭᒍᑎᖕᓄᑦ ᐲᔭᐃᔪᓐᓇᕐᓂᖅ ᐊᒻᒪᓗ ᖃᓂᕐᒥᐅᑕᓂᒃ ᓱᕈᐃᔪᓐᓇᖅᑐᓂᒃ ᑕᐃᒫᒃ ᑭᒍᑏᑦ ᐊᑯᓂᐊᒍᑦ ᐃᑭᐊᒍᑦ ᐋᓐᓂᐊᕐᓂᖅᑖᕐᓂᐊᖏᓐᓇᕕᑦ, ᑕᒪᒃᑯᐊ ᐱᑕᖃᕋᔪᓂᖅᐹᖑᕙᒻᒪᑕ ᑕᑯᔭᐅᕙᖕᓂᖏᓐᓂ ᒪᒃᑯᒃᑐᓂ, ᐃᓐᓇᕐᓂᓗ.

ᖃᓂᒃᑯᑦ ᑭᒍᑎᕕᑦ ᐊᑯᓐᓂᖓᒍᑦ ᐃᑭᒃᑯᑦ ᐋᓐᓂᐊᖅᑖᖅᓯᒪᒍᕕᑦ, ᐱᓕᕆᔨᐅᖃᑎᒋᕗᑦ ᐃᓕᖕᓂᒃ ᐃᑲᔪᕈᓐᓇᖅᑐᑦ ᖃᓄᐃᑦᑑᓃᖅᑎᑦᑎᕙᓪᓕᐊᑎᑦᑎᔪᒪᓂᖅ. ᐱᒋᐊᓕᓵᕐᓂᖏᓐᓂ, ᖃᓄᐃᑦᑑᓂᖅᑎᑦᑎᒋᐊᕈᓐᓇᕐᒪᑦ, ᒪᒥᑐᓐᓇᖅᓯᓗᓂ ᖃᓃᑦ ᑭᒍᑎᑦᑎᓗ ᑕᒪᐃᓐᓂ. ᑐᕌᒐᖃᐃᓐᓇᖅᑐᒍᑦ ᐃᑲᔪᕈᒪᓂᖅ ᐃᓕᖕᓂᒃ ᐱᔨᑦᑎᕋᐃᓗᑎᒃ ᖃᓄᐃᓕᖓᓂᕆᔭᕐᓂᒃ ᐃᑲᔪᕐᓗᑎᒃ ᐊᑑᑎᖃᑦᑎᐊᕐᓂᐊᖅᑐᓂᒃ ᐊᒻᒪᓗ ᐃᑲᔪᕐᓂᖃᕐᓂᐊᖅᑐᓂᒃ.

ᖃᓄᐃᑦᑐᓃᖅᑎᑦᑎᑲᓐᓂᕈᓐᓇᕐᓂᕐᒥᒃ ᑭᒍᑎᓕᕆᔭᐅᓂᖅ

ᐃᑲᔪᖅᑕᐅᔭᕆᐊᖃᕈᕕᑦ ᐱᔾᔪᑎᖃᕐᓂᕐᒧᑦ ᓱᕋᖅᓯᒪᓕᖅᑐᒥᓪᓗᓐᓃᑦ, ᖁᐱᓯᒪᔪᒥᓗᓐᓃᑦ, ᐊᐅᒪᓕᕐᓂᖓᓄᓪᓗᓐᓃᑦ ᑭᒍᑏᑦ, ᑲᒪᔨᐅᔪᑦ ᑭᒍᑎᓕᕆᔨᕗᑦ ᐃᓕᖕᓂᒃ ᐃᑲᔪᑦᑎᐊᕐᓂᐊᖅᑐᑦ ᑲᒪᑦᑎᐊᕐᓗᑎᒃ ᐊᑲᐅᒃᓴᖅᑎᑕᐅᓯᒪᓗᑎᑦ ᐊᒻᒪᓗ ᑲᒪᒋᔭᐅᑦᑎᐊᕐᓗᑎᒃ. ᑲᒪᒋᔭᐅᔪᓐᓇᒻᒪᕆᒃᑐᑎᑦ ᑭᒍᑎᓕᕆᔨᑎᓐᓄᑦ ᑐᐊᕕᕐᓇᖅᑐᓕᕆᔨᓄᑦ ᐅᓪᓗᑦᓴᐃᓐᓇᖅ.

ᑭᒍᑎᓕᕆᓂᕐᒧᑦ ᖃᓄᐃᑦᑐᓃᕈᑕᐅᒋᐊᑲᕈᓐᓇᖅᑐᓂᒃ ᐃᑲᔪᖅᑕᐅᖃᑕᕈᓐᓇᖅᑐᑦ ᐃᓕᓕᖅᑐᐃᕝᕕᐅᓗᑎᒃ, ᑭᒍᑎᖏᓄᓪᓗ ᑐᖓᕕᓕᐅᖅᑕᐅᓗᑎᒃ ᐊᒻᒪᓗ ᑲᑎᖓᔪᓂᒃ ᑭᒍᑎᖑᐊᓕᐅᕈᑕᐅᔪᓐᓇᖅᑐᓂᒃ ᐊᑕᓂᐊᖅᑐᓂᒃ ᑭᒍᑎᓪᓚᕆᖏᓐᓄᑦ. ᐱᐅᓯᒋᐊᕈᑎᒃᓴᓂᒃᑕᐅᕙᒃᑐᑦ ᐱᐅᔪᐊᓘᕙᓕᖅᑐᓂᒃ ᓴᓇᓯᒪᖃᑦᑕᖅᐳᑦ ᐊᒻᒪᓗ ᐊᑯᓂᐊᓗᒃ ᐊᑐᖅᑕᐅᔪᓐᓇᖅᓱᑎᒃ. ᐊᑐᐃᓐᓇᐅᑎᑦᑎᔪᓇᖅᑐᒍᑦ ᐊᑐᕈᓐᓇᑦᑎᐊᕐᓂᐊᖅᑐᓂᒃ ᐊᒻᒪᓗ ᑕᑯᒥᓇᕈᑕᐅᓕᕈᓐᓇᖅᑐᓂᒃ ᑲᒪᒋᔭᐅᓗᓯ ᖃᐅᔨᒪᒐᑦᑕ ᑭᒍᑎᓕᕆᔭᐅᔪᑦ ᖃᓄᐃᓗᐊᖁᔨᖏᒪᑕ ᐊᒻᒪᓗ ᖃᓄᐃᖁᖏᑦᑎᐊᕋᑦᑎᒍᑦ ᐃᓱᒪᓘᖏᓪᓗᑎᒃ.

ᕿᒥᕐᕈᐊᖅᑕᐅᕌᓂᑳᖓᕕᑦ ᖃᐅᔨᓴᖅᑕᐅᓗᑎᑦ, ᐃᓕᖕᓄᑦ ᐅᓂᒃᑳᕐᓂᐊᖅᑐᒍᑦ ᖃᓄᐃᓕᐅᖅᑎᐅᔪᓐᓇᕐᒪᖔᑕ ᑭᒍᑎᓕᕆᓂᕐᒥᒃ ᐃᑲᔪᖅᑕᐅᓗᑎᑦ ᐃᓱᒪᓕᐅᕈᑎᒋᓂᐊᕋᕕᒋᑦ ᐱᐅᓂᖅᐹᓂᒃ ᖃᓄᐃᓕᐅᕈᓐᓇᕐᓂᖅ ᖃᓂᒃᑯᑦ ᖃᓄᐃᖁᓇᖏᓐᓂᕐᒧᑦ. ᐱᓕᕆᔨᕗᑦ ᐃᑲᔪᕐᓂᐊᖅᑐᑦ ᐃᓕᖕᓂᒃ ᓈᒻᒪᓈᖁᓪᓗᑎᑦ ᐊᑲᐅᒋᔭᕐᓂ ᑲᒪᒋᔭᐅᕕᒃᓴᖃᖅᑎᑕᐅᓗᑎᑦ.

ᐅᕙᑦᑎᓄᑦ ᐅᖄᓚᓂᐊᖅᐳᑎᑦ ᐊᖀᓂᐊᕋᕕᑦ ᑭᒍᑎᒃᑯᑦ ᖃᐅᔨᓴᖅᑕᐅᔪᓐᓇᕐᓂᖅ

ᓈᒻᒪᓕᕐᒥᒍᓂ ᐱᓂᕐᓗᒋᒃᑯᑕᐅᕙᒌᐊᖅᑐᓂᒃ ᖃᐅᔨᓴᖅᑕᐅᔪᒪᓂᖅ ᐅᕝᕙᓗᓐᓃᑦ ᑭᒍᑎᓂᒃ ᓴᓗᒻᒪᖅᓴᐃᔨᒧᑦ ᓴᓗᒻᒪᖅᓴᖅᑕᐅᖁᔨᒍᑯᑦ ᑭᒍᑎᖕᓂᒃ, ᐅᖄᓚᓂᐊᖅᐳᑎᑦ ᐃᖃᓗᐃᑦ ᑭᒍᑎᓕᕆᔨᖏᓐᓄᑦ ᐱᑯᒃᓴᓕᐅᕈᔾᔭᐅᓂᐊᕋᕕᑦ. ᐱᓕᕆᖃᑎᒋᔪᒪᑦᑎᐊᖅᑕᔅᓯ ᖃᓄᐃᖏᑦᑎᐊᕐᓂᐊᕋᕕᑦ, ᐱᐊᔪᑯᓗᖕᒥ ᖁᖓᔮᕈᓐᓇᕐᓂᐊᕋᕕᑦ.

ᑭᒍᑕᐃᖅᑕᐅᑐᐃᓐᓇᕈᓐᓇᕐᓂᖅ

ᐃᓚᓂᒃᑯᑦ ᑭᒍᑕᐃᖅᑕᐅᔪᓐᓇᕐᓂᖅ ᐱᔭᕆᐊᑐᔫᖏᓇᓱᒋᔭᐅᒐᓗᐊᕈᓂ, ᐃᓚᖏᑦ ᐊᔪᕐᓇᖏᓐᓂᖅᓴᐅᕙᒃᑐᑦ ᐊᓯᖏᓐᓂᒃ. ᑭᒍᑎᑦ ᓄᐃᑕᓕᕇᕉᓂ ᐃᑭᐊᒍᑦ ᖃᓂᖅᐱᑦ, ᑕᒪᓐᓇ ᑕᐃᔭᐅᓲᖅ ᐲᖅᑕᐅᔪᓐᓇᕐᓂᖅ ᐱᔭᕆᐊᑐᖏᑦᑐᒥᒃ ᐱᔾᔪᑕᐅᓂᕐᒧᑦ ᐱᓚᒃᑕᐅᔭᕆᐊᖃᓐᒪᑦ ᑭᒍᑎᖓ ᐲᖅᑕᐅᓂᐊᕈᓂ.

ᑕᐃᒫᑦᓴᐃᓐᓇᖅ ᑲᒪᒋᔭᐅᕙᖕᓂᖏᓐᓂᒃ ᑕᒡᕙᓂ, ᐱᓇᓱᐊᑦᑎᐊᕐᓂᐊᖅᑐᒍᑦ ᐅᔾᔨᖅᑐᑦᑎᐊᕐᓂᖅ ᐊᑲᐅᒃᓴᕐᒪᖔᑕᖅ ᑲᒪᒋᔭᐅᓂᖓᓂ ᑭᒍᓂᐊᒍᓪᓗ. ᑐᓴᐅᒪᖃᑕᐅᑎᓂᖅ ᐃᑲᔪᕐᓂᖃᕐᓂᐊᖅᑐᖅ ᐅᕙᑦᑎᓐᓄᒃ ᖃᐅᔨᒪᓂᖅ ᐃᒃᐱᓂᐊᒍᓐᓃᕈᑎᓂᒃ ᑐᓂᔭᐅᓯᒪᒐᕕᑦ ᓈᒪᔪᒥᒃ. ᓄᖃᖓᑲᐃᓐᓇᖁᔨᒍᕕᑦ ᑲᒪᒋᔭᑦᑎᓐᓂᒃ, ᐅᕙᑦᑎᓐᓂᒃ ᖃᐅᔨᓴᑎᑦᑎᑐᐃᓐᓇᕈᓐᓇᖅᑐᑎᑦ.

ᑭᒍᑏᖅᑕᐅᑐᐃᓐᓇᕐᓂᐊᖅᑐᓂ, ᑕᐃᓐᓇ ᐊᑦᑕᕆᔭᐅᓗᓂ ᐃᑕᒋᔭᐅᓪᓗᓂᓗ ᑭᒍᑎᖓ ᖃᔅᓱᑎᑕᐅᕙᓪᓕᐊᓂᐊᖅᑐᖅ ᑭᒍᑎᖓ ᐊᐅᓚᑕᐅᑦᑎᐊᕐᓗᓂ, ᐊᒻᒪᓗ ᑭᕕᒃᑕᐅᔪᓐᓇᕐᓗᓂ ᐅᔾᔨᖅᑐᑦᑎᐊᕐᓗᑎᒃ ᐲᖅᑕᐅᓗᓂ. ᑕᐃᓐᓇ ᐊᒧᓯᕕᐅᔪᖅ ᒪᑦᑐᑎᒥᒃ ᐃᓕᓯᕝᕕᐅᓂᐊᖅᑐᖅ ᐊᐅᒍᓃᖅᑎᑕᐅᔭᕆᐊᖃᕐᒪᑦ, ᐊᒻᒪᓗ ᑲᒪᒋᔭᐅᔭᕇᖅᐸᑦ ᖃᓄᖅ ᖃᐅᔨᓴᑦᑎᐊᕆᐊᖃᕐᓂᐊᕐᒪᖔᑕ ᖃᐅᔨᒪᓂᐊᕐᒪᑦ ᖃᓄᐃᓕᐅᖅᑕᐃᓕᒪᔭᕆᐊᖃᕐᓂᕐᒥᒃ ᐊᒻᒪᓗ ᖃᓄᖅ ᒪᒥᓴᑦᑎᐊᕈᓐᓇᕐᓂᖅ.

ᐱᓚᒃᑕᐅᓗᓂ ᑭᒍᑏᖅᑕᐅᓂᖅ

ᐱᓚᒃᑕᐅᓗᓂ ᑭᒍᑏᖅᑕᐅᓂᖅ ᐅᖃᐅᓯᖃᖅᑐᖅ ᐱᓚᒃᑕᐅᔭᕆᐊᖃᖅᑐᒥᒃ ᐲᖅᓯᔭᕆᐊᖃᕐᓂᖅ ᑭᒍᑎᒥᒃ ᐃᓚᐃᓐᓇᒍᑦ ᓄᐃᑕᓂᖓᓄᑦ ᐃᑭᐊᒍᑦ. ᐃᓛᓂᒃᑯᑦ ᐱᓚᒃᑕᐅᔭᕆᐊᓖᑦ ᐊᒥᓯᕕᐅᓂᕐᒧᑦ ᐊᑯᓂᐅᓂᖅᓴᖅ ᒪᒥᓴᓲᑦ ᑭᓯᐊᓂ ᒪᓕᑦᑎᐊᕈᕕᒋᑦ ᐱᓚᒃᑕᐅᕌᓂᒃᑎᓪᓗᒋᑦ ᖃᓄᐃᓕᐅᖁᔭᐅᔪᑦ, ᖃᓄᐃᑦᑐᓃᕐᓂᐊᖅᑐᑎᑦ, ᒪᒥᓴᑲᐅᑎᒋᔪᓐᓇᖅᓱᑎᑦ, ᐱᐅᓯᕙᓪᓕᐊᓂᐊᖅᑐᒥᒃ ᖃᐅᑕᒫᖅ.

ᐱᓚᒃᑕᐅᔭᕆᐊᖃᕈᕕᑦ ᑭᒍᑏᖅᑕᐅᓂᕐᒧᑦ, ᐱᓚᒃᑕᐅᔭᕆᐊᖃᖅᑐᒥᒃ ᐱᓚᒃᑕᐅᕌᓂᑐᐊᕈᓂ, ᐊᒧᔭᐅᑲᐅᑎᒋᔪᓐᓇᖅᓯᓂᐊᖅᑐᖅ. ᖃᓱᑎᑕᐅᖃᑕᕐᒪᑦ ᐃᑭᐊᓂᒃ ᖃᓄᖅᐱᑦ ᐊᑕᕆᔭᐅᓪᓗᓂ, ᐃᑕᒋᔭᐅᓗᑎᓪᓗ ᐊᒧᔭᐅᔪᓐᓇᖅᓯᓂᐊᕐᒪᑦ. ᒥᖅᓱᖅᑕᐅᖃᑕᕐᒥᔪᑦ ᐊᒥᓱᑦ ᐱᓚᒃᑕᐅᔭᕆᐊᖃᖃᐅᔪᑦ. ᐅᓂᒃᑳᑦᑎᐊᕐᓂᐊᖅᑐᒍᑦ ᖃᓄᖅ ᑲᒪᒋᔭᐅᔭᕆᐊᖃᕐᒪᖔᑕ ᒥᖅᓱᖅᑕᐅᓯᒪᓂᖏᑦ ᑕᐃᑲᓂ ᑭᒍᑎᓕᕆᕕᒃᑎᓃᑎᓪᓗᑎᑦ.

ᑭᒍᑎᖃᕈᓐᓂᖅᑐᖅ ᐃᓕᔅᓯᕕᐅᔪᓐᓇᕐᓂᖓᓂᒃ ᐊᑐᖅᑕᐅᖔᕈᓐᓇᕐᒥᔪᑦ

ᐃᓚᖏᓐᓂ ᑭᒍᑕᐃᖅᑕᐅᔪᓂ, ᓲᕐᓗ ᑕᐃᒃᑯᓂᖓ ᑕᒧᐊᔾᔪᑎᒋᔭᑦᑎᓐᓂᒃ, ᐊᓯᔾᔨᖅᑕᐅᔭᕆᐊᖃᖅᑎᑕᐅᕙᖏᑦᑐᑦ ᑕᒪᒃᑯᐊ.  ᒪᒥᓴᖅᑎᑕᐅᑐᐃᓐᓇᓲᖑᕗᑦ  ᐱᐅᓯᕐᒥᒍᑦ ᓇᐅᑦᑎᖅᑐᖅᑕᐅᕙᒃᓱᑎᒃ ᖃᓄᐃᖏᑲᓗᐊᕐᒪᖔᑕ.

ᑭᓯᐊᓂᓕ ᐊᓯᖏᓐᓂ ᑭᒍᑎᑦᑎᓐᓂ, ᐅᖃᐅᓯᐅᔭᕆᐊᖃᖅᐳᑦ ᐊᓯᖔᖏᓐᓂᒃ ᐃᓕᓯᕕᐅᔪᓐᓇᕐᒪᖔᑦ ᓱᕐᓗ ᐊᑕᔪᓂᒃ ᐊᑕᐅᑎᒃᑯᑦ ᐊᑕᐅᓯᐅᑎᑕᐅᔪᓂᒃ ᑭᒍᖑᐊᕐᓂᒃ ᐊᑕᓂᐊᖅᑐᓂᒃ ᑭᒍᑦᑎᓪᓚᖕᓄᑦ ᐅᕝᕙᓗᓐᓃᑦ ᐊᑐᓂ ᐃᓕᐅᖃᐃᕕᐅᓗᑎᒃ ᑭᒍᑎᖑᐊᕐᓂᒃ ᐊᑕᔪᒥᒃ ᐃᑭᖓᓄᑦ ᖃᓂᖓᓂ. ᐅᓂᒃᑳᕐᓂᐊᖅᑐᒍᑦ ᑕᒪᐃᓐᓂᒃ ᐊᑐᖅᑕᐅᖔᕈᓐᓇᕐᓂᖏᓐᓂᒃ  ᑕᐃᒪᒃ ᐃᓱᒪᓕᐅᕈᓐᓇᑦᑎᐊᕐᓂᐊᕋᕕᑦ ᐊᑲᐅᓂᖅᐹᖑᓂᐊᖅᑐᓂᒃ ᐃᓕᖕᓄᑦ ᐃᓅᓯᕆᔭᕐᓄᓪᓗ.

ᐅᕙᑦᑎᓐᓄᑦ ᐅᖄᓚᓂᐊᖅᐳᑎᑦ ᐅᓪᓗᒥ ᑭᒍᑎᓕᕆᔨᑯᓐᓄᑦ ᑕᑯᔭᐅᓂᐊᕋᕕᑦ

ᑭᒍᑏᖅᑕᐅᔭᕆᐊᖃᕈᕕᓪᓗᓐᓃᑦ ᑕᑯᔭᐅᔪᒪᑐᐃᓐᓇᕈᕕᓪᓗᓐᓃᑦ ᑭᒍᑎᕐᓗᓕᖅᑕᐃᓕᒪᓂᕐᒧᑦ ᖃᐅᔨᒋᐊᕈᒪᓂᕐᒧᑦ, ᐅᖄᓚᓂᐊᖅᐳᑎᑦ ᖃᐅᔨᓴᖅᑕᐅᕕᒃᓴᓂᒃ ᐃᓚᖓᓄᑦ ᑭᒍᓯᕆᔨᑦᑎᓐᓄᑦ. ᐃᑲᔪᕈᒪᑦᑎᐊᖅᑐᒍᑦ ᐃᓕᖕᓂᒃ ᖃᓂᒃᑯᑦ ᑭᒍᑎᒃᑯᓪᓗ ᖃᓄᐃᖏᑦᑎᐊᖁᔨᓂᖅ ᖁᖓᔮᑦᐊᕈᓐᓇᕐᓗᑎᓪᓗ.

ᑭᒍᑎᖃᕈᓃᕐᓂᕐᒥᒃ ᐃᓕᔭᐅᖔᕈᓐᓇᖅᑐᑦ ᐃᓚᐃᓐᓇᖏᓐᓂᒃ ᑭᒍᑎᖑᐊᒃᓴᐃᑦ

ᓯᕗᓪᓕᕐᒥ ᑐᕌᒐᖃᖅᐳᒍᑦ ᐃᓚᐃᓐᓇᖏᓐᓂᒃ ᑭᒍᑎᖑᐊᖃᖅᑎᑦᑎᓂᕐᒥᒃ ᐊᑲᐅᓂᖅᐹᖑᔭᕆᐊᖃᕐᓂᖏᓐᓂᒃ ᐊᒻᒪᓗ ᐊᑐᖅᑕᐅᔪᓐᓇᑦᑎᐊᕐᓂᖏᓐᓂᒃ ᑭᒍᑎᓪᓚᕆᒃᑎᑐᑦ ᓲᕐᓗ, ᐃᓕᖕᓄᑦ. ᐃᓚᐃᓐᓇᖏᓐᓂᒃ ᑭᒍᑎᖑᐊᑦ ᑐᕌᖓᔪᓐᓇᕐᒪᑕ ᐃᓄᖕᓄᑦ ᐊᒥᓱᒐᓴᖕᓂᒃ ᑭᒍᑎᖃᕈᓐᓃᖅᓯᒪᔪᓂᒃ ᐊᒻᒪ ᓱᓕ ᑭᒍᑎᓪᓚᕆᖃᖅᓱᑎᒃ ᓱᓕ ᐱᓯᒪᐃᓐᓇᕈᒪᔭᖏᓐᓂᒃ.

ᓴᓇᔭᐅᓂᐊᖅᑐᑦ ᐃᓚᐃᓐᓂᖏᓐᓄᑦ ᑭᒍᑎᖑᐊᒃᓴᐃᑦ ᐊᑕᓂᐊᕐᒪᑕ ᑭᒍᑎᓪᓚᕆᖕᓄᑦ ᑐᖓᕕᐅᓗᑎᒃ ᐃᓂᖏᓃᑦᑎᐊᕐᓂᐊᕐᒪᑕ ᑕᐃᒪᒃ. ᐱᐅᓂᖅᓴᐅᖃᑦᑕᕐᒪᑦ ᑭᒍᑎᓪᓚᕆᖕᓂᒃ ᐱᓯᒪᓐᓇᕆᐊᕐᓂᖅ ᑕᐃᒫᒃ ᐊᓪᓕᕉᐃᑦ ᐋᖀᐅᒪᓂᑐᖄ ᓱᕐᕋᒃᑕᐅᔭᕆᐊᖃᓐᖏᒻᒪᑦ ᐊᒻᒪᓗ ᑮᓇᕕᑦ ᐋᕿᐅᒪᑦᑎᐊᕐᓂᖓ ᐊᒻᒪᓗ ᓴᐅᓂᖏᑦ ᐊᓯᔾᔨᖅᑕᐅᔭᕆᐊᖃᕐᓂᐊᖏᒻᒪᑕ.

ᐃᓚᐃᓐᓇᖏᓐᓂᒃ ᑭᒍᑎᖑᐊᑦᑕᐅᖅ ᓴᓇᔭᐅᓯᒪᔪᓐᓇᖅᑐᑦ ᑭᒍᑎᓪᓚᕆᐅᔪᔮᖅᑎᑕᐅᔪᓐᓇᕐᒪᑕ. ᐃᖃᓗᖕᓂ ᑭᒍᑎᓕᕆᕕᒃᑎᓐᓂ, ᓴᓇᔭᐅᓯᒪᖃᑦᑕᖅᐳᑦ ᒪᓕᒃᓯᒪᑦᑎᑕᐅᒋᐊᕐᓂᖅ ᑕᐅᑐᖏᓐᓂᒃ ᑭᒍᑎᓪᓚᕆᒃᐱᑦ ᑕᐃᒫᒃ ᓇᓗᓇᕐᓂᐊᕐᒪᑕ ᐅᕝᕙᓗᓐᓃᑦ ᐅᔾᔨᕆᔭᐅᕙᖕᓂᐊᖏᒻᒪᑕ ᑭᒍᑎᖑᐊᖑᓂᖏᑦ. ᑭᒍᑎᖑᐊᓕᐊᕆᔭᐅᔪᑦ ᐃᓚᒋᐊᕈᑕᐅᑐᐃᓐᓇᕋᒥᒃ, ᖁᖓᔮᕈᓐᓇᕐᓂᐊᕋᕕᑦ ᖃᐅᔨᒪᔭᐅᓇᔭᖏᑦᑐᓂᒃ.

ᐃᓚᓂᒃᑯᑦ ᓈᒻᒪᖕᓂᖏᑦ ᐃᓚᐃᓐᓇᖏᑦ ᑭᒍᑎᖑᐊᑦ ᐊᓯᔾᔨᖅᐸᓪᓕᐊᔪᓐᓇᕆᕗᑦ ᐊᑯᓂᐅᔪᒥᒃ, ᐋᕿᒋᐊᖅᑕᐅᔭᕆᐊᖃᕈᓐᓇᖅᑐᑦ. ᑕᒪᓐᓇ ᓂᕆᐅᒋᔭᐅᕙᒃᑐᖅ, ᑕᐃᒪᐃᓂᖓᓄᑦ, ᐊᑏᑐᖅ ᐅᕙᑦᑎᓐᓄᑦ ᐅᖄᓚᓂᐊᖅᐳᑎᑦ ᑕᑯᔭᐅᔪᒪᓗᑎᑦ. ᑭᒍᑎᓕᕆᔨᕗᑦ ᐋᕿᒋᐊᕆᔪᓐᓇᕐᒪᑕ ᐊᒻᒪᓗ ᓴᓇᔭᐅᑦᑎᐊᒃᑲᓐᓂᕈᓐᓇᖅᓱᑎᒃ ᑕᐃᒫᒃ ᓈᒻᒪᑦᑎᐊᖃᑦᑕᕐᓂᐊᕐᒪᑕ ᐃᓕᖕᓄᑦ.

ᐊᑲᐅᔭᕆᐊᓕᑦ ᑕᒪᐃᓐᓂᒃ ᑭᒍᑎᖑᐊᑎᑦ

ᑭᒍᑎᖑᐊᖅᑎᑦ ᓈᒻᒪᑦᑎᐊᖏᑐᐊᕈᑎᒃ, ᐊᐅᓚᔪᐊᓘᔪᓐᓇᕐᒪᑕ ᖃᓂᕐᓂ, ᐋᓐᓂᐊᓕᕈᑕᐅᔪᓐᓇᖅᓱᑎᒃ, ᐊᒻᒪᓗ ᑲᑕᒍᓐᓇᖅᓱᑎᒃ ᓂᕆᑎᓪᓗᑎᑦ, ᐅᖃᓪᓚᒃᑎᓪᓗᑎᓪᓗᓐᓃᑦ. ᑕᒪᐃᓐᓂᒃ ᑭᒍᑎᖑᐊᖃᕈᕕᑦ, ᖃᓄᖅ ᐊᑲᐅᑎᒋᖕᒪᖓᑕ ᑐᖓᕕᐅᕙᒃᐳᑦ ᐊᑐᖅᑕᐅᔪᓐᓇᑦᑎᑐᐊᕐᓂᖏᓐᓄᑦ ᐊᒻᒪᓗ ᐃᓕᖕᓄᑦ ᐊᑲᐅᒋᔭᐅᓗᑎᒃ.

ᑭᒍᑎᓕᕆᔨᒃᑯᑦ ᐱᓕᕆᐊᖃᓲᖑᕗᑦ ᑮᓇᖅᐱᑦ ᓴᐅᓂᖏᓐᓂᒃ ᖃᓄᐃᓕᖓᓂᖏᓐᓂᒃ ᐊᒻᒪᓗ ᖃᓂᖅᐱᑦ ᖃᓄᐃᓕᖓᓂᖓᓂᒃ ᒪᓕᒃᓱᑎᒃ ᑭᒍᑎᖑᐊᓕᐅᕐᓂᐊᕐᒪᑕ, ᓈᒻᒪᑦᑎᐊᕆᐊᖃᖅᑐᓂᒃ, ᑕᑯᒥᓇᖅᑑᓗᑎᒃ, ᐊᒻᒪᓗ ᐱᒋᓂᐊᖅᑕᕐᓂᒃ ᐊᑯᓂ. ᑕᒪᐃᓐᓂᑦᑎᐊᖅ ᐃᓄᐃᑦ ᐊᔾᔨᒌᖏᒪᑕ, ᐱᕕᒃᓴᓕᐅᖅᓯᒪᑦᑎᐊᖃᑦᑕᖅᑐᒍᑦ ᐃᓱᒪᒋᔭᐅᓪᓗᑎᒃ ᖃᓄᐃᓕᖓᓂᖏᑦ ᑕᐃᒫᒃ ᖁᓛᓃᑦᑐᑦ ᐊᓪᓕᖏᓪᓗ ᑭᒍᑎᖑᐊᑦ ᐊᑐᖅᑕᐅᑦᑎᐊᕈᓐᓇᕆᐊᖃᕐᒪᑕ ᐊᒻᒪᓗ ᓈᒻᒪᑦᑎᐊᕐᓗᑎᒃ ᓂᕆᖃᑕᕈᓐᓇᕐᓂᐊᕋᕕᑦ ᐊᒻᒪᓗ ᖃᓄᐃᖏᑦᑎᐊᕐᓗᑎᒃ ᓂᕆᑦᑎᐊᖃᑕᕈᓐᓇᕐᓗᑎᒃ.

ᖃᐃᒍᕕᑦ ᑭᒍᑎᓕᕆᔨᕕᒃᑎᓐᓄᑦ ᐱᔪᒪᓗᑎᑦ ᓄᑖᓂᒃ ᑭᒍᑎᖑᐊᕐᓂᒃ, ᐅᖃᐅᓯᐅᓂᐊᖅᐳᑦ ᖃᓄᖅ ᑕᐅᑐᖃᖁᔨᓂᐊᕐᒪᖔᖅᐱᑦ. ᑕᒪᐃᓐᓂᒃ ᑭᒍᑎᖑᐊᑦ ᐱᔪᓐᓇᐅᑕᐅᖕᒪᑕ ᓂᕈᐊᕈᓐᓇᕐᓂᖅ ᖃᓄᐃᓕᖓᖁᔨᓂᐊᕐᒪᖔᖅᐱᑦ ᑕᐅᑐᖏᓐᓂᒃ ᑭᒍᑎᖑᐊᕕᑦ. ᐊᑐᖅᑕᐅᔪᓐᓇᑦᑎᐊᕐᓂᖏᑦ ᓯᕗᓪᓕᕐᒥ ᐃᓱᒪᓘᑕᐅᕙᒃᑐᑦ, ᖃᐅᔨᒪᒋᓗᑕᓗ ᑕᑯᒥᓇᖅᑑᖁᓇᕐᓂᖏᑦ.

ᐃᖃᓇᐃᔭᕐᕕᒃᑎᓐᓄ ᐅᖄᓚᓂᐊᖅᐳᑎᑦ ᐅᓪᓗᒥ

ᑭᒍᑎᖑᐊᖅᑖᕆᐅᕈᒪᓕᕈᕕᓪᓗᓐᓃᑦ, ᐅᕝᕙᓗᓐᓃᑦ ᐊᓯᔾᔨᖅᑕᐅᖁᔨᒍᕕᑦ ᐱᑐᖃᓘᓕᖅᑐᓂᒃ ᑭᒍᑎᖑᐊᕐᓂᒃ, ᐅᖄᓚᕕᒋᓂᐊᖅᐸᑎᑦ ᐃᖃᓗᐃᑦ ᑭᒍᑎᓕᕆᕕᖓᑦ ᐅᓪᓗᒥ. ᑭᒍᑎᓕᕆᔨᕗᑦ ᐊᔪᖏᑦᑎᐊᕐᒪᑕ ᐊᒻᒪᓗ ᐱᓕᕆᐊᖃᓕᓂᐅᓪᓗᑎᒃ ᑭᒍᑎᖑᐊᖅᑖᖅᑎᑦᑎᔪᓐᓇᕐᓂᖅ ᐊᑲᐅᔪᒻᒪᕆᐅᓂᐊᖅᑐᓂᒃ ᐃᓱᒪᓘᖕᓇᔾᔭᖏᑦᑐᓂᒃ ᐊᑐᖅᑕᐅᔪᓐᓇᕐᓂᖅ ᐃᓅᓯᕐᓂ!

Therapy ᑭᒍᑎᕕᑦ ᐃᑭᐊᒍᑦ ᐊᑕᑕᕐᕕᖏᓐᓂᒃ ᐊᑐᕐᓗᑎᒃ ᐃᑲᔫᑎᒃᓴᐃᑦ

ᑭᒍᑎᕕᑦ ᐃᓗᐊᒍᑦ ᐃᒃᐱᖕᓂᐊᕕᖃᖅᐳᖅ ᐃᑭᕐᒥᒃ ᐊᒻᒪᓗ ᐃᓗᓕᖃᕋᒥ ᐊᒻᒪᓗ ᓄᑭᖃᖅᓱᓂ ᐃᓗᐊᒍᑦ. ᑕᒪᓐᓇ ᐃᒃᐱᖕᓂᐊᕕᖓ ᑭᒍᑎᕕᑦ ᑕᐃᒪᐃᓕᖓᔪᖅ ᐊᑐᕈᓐᓇᑦᑎᐊᕆᐊᖃᕐᓂᖓᓄᑦ. ᐃᓛᓂᒃᑯᑦ ᖃᐅᔨᒪᔭᐅᕙᖏᒪᑦ ᑕᒪᓐᓇ ᐃᓗᓕᖓᓂ ᐃᑭᐊᓂ ᐱᐅᔪᓐᓂᖅᓯᒪᔪᓐᓇᕐᒪᑦ. ᑕᒪᐃᓕᖓᔭᕌᖓᑦ, ᐳᕕᓕᖅᑐᐊᓘᔪᓐᓇᕐᒪᑦ, ᒪᕿᔪᐊᓘᓕᕈᓐᓇᖅᑐᖅ, ᐋᓐᓂᐊᓕᖅᑐᐊᓘᓗᓂᓗ. ᐃᑲᔪᕈᓐᓇᖅᑐᒍᑦ ᐲᔭᕐᓗᒍ ᑕᒪᓐᓇ ᓈᒻᒪᒍᓂᕐᓂᐊᓗᖓ ᑭᒍᑎᒃᑯᑦ ᐋᓐᓂᐊᕈᑎᒋᔭᐃᑦ, ᐋᓐᓂᐊᕈᓐᓃᖅᑎᒋᐊᕐᓗᒍ. ᓇᐅᑯᑐᐃᓐᓇᖅ ᐱᐅᔪᓂᖅᓯᒪᔪᖃᖅᑎᓪᓗᒍ ᓇᓂᑐᐃᓐᓇᖅ ᑎᒥᒃᑯᑦ, ᐅᓗᕆᐊᓇᕈᓐᓇᕐᒪᑦ ᖃᓄᐃᓕᖓᓕᕈᑕᐅᔪᓐᓇᕐᓂᕐᒧᑦ.

ᑕᒪᓐᓇ ᐱᐅᔪᓐᓂᕐᓂᐊᓗᖓ ᐲᔭᖅᑕᐅᔭᕆᐊᖃᕐᓂᖓᓄᑦ, ᑭᒍᑎᕕᑦ ᐃᓗᐊᒎᕆᐊᖃᓲᖑᕗᒍᑦ. ᑕᒪᓐᓇ ᐃᓱᒪᓘᑎᒋᑦᑕᐃᓕᒍᒃ! ᖃᐅᔨᓴᑦᑎᐊᕐᓂᐊᖅᑐᐊᓘᔪᒍᑦ ᐃᒃᐱᓐᓂᐊᖏᑦᑎᐊᕆᐊᖃᕐᓂᕐᒥᒃ ᐱᒋᐊᓚᐅᖏᓂᑦᑎᓐᓂᒃ. ᐊᑲᐅᓴᑦᑎᐊᕆᐊᖃᕋᕕᑦ ᐃᒃᐱᓐᓂᐊᖏᑦᑎᐊᕐᓗᑎᓗ ᑲᒪᒋᔭᐅᓂᕐᓂ.

ᑎᑭᐅᑎᒍᑕ ᑭᒍᑎᕕᑦ ᐃᓗᐊᓄᑦ, ᓴᓗᒻᒪᖅᓴᖅᑕᐅᑦᑎᐊᕐᓂᐊᖅᐳᖅ ᐊᒻᒪᓗ ᐃᓕᐅᖃᐃᕕᐅᓗᓂ ᖁᐊᕈᓐᓇᖅᑐᓂᒃ ᐊᒻᒪᓗ ᐃᓚᔭᐅᔪᓐᓇᕆᓗᓂ ᐃᓱᐊᖅᓴᐅᑎᒥᒃ ᓱᕈᒃᑲᓐᓂᕇᒃᑯᑕᐅᓂᐊᖅᑐᒥᒃ. ᐃᒃᐱᓐᓂᐊᔾᔮᖏᑕᐃᑦ ᑕᒪᓐᓇ ᑲᒪᒋᔭᐅᓂᖓᓂ. ᐱᓕᕆᖃᑎᒋᑦᑎᐊᕐᓂᐊᖅᑕᑦᑎᓐᓂᒃ ᐊᒻᒪᓗ ᑲᒪᒋᔭᐅᑦᑎᐊᕐᓗᑎᒃ, ᒪᒥᓴᕈᓐᓇᖅᓯᓂᐊᕋᕕᑦ.

ᐱᔭᕆᖅᑕᐅᒃᐸᑦ ᑲᒪᒋᔭᐅᓂᖏᑦ, ᒪᑐᔭᐅᓂᐊᓕᕆᕗᖅ ᑭᒍᑎᕕᑦ ᐃᓗᓕᖓ, ᒪᒥᓴᕈᓐᓇᖅᓯᓂᐊᕐᕋᕕᑦ ᐱᕕᒃᓴᖅᑎᑕᐅᓗᑎᒃ. ᐅᓪᓘᒃ ᒪᕐᕉᖕᓂᒃ ᖃᓄᐃᑦᑐᓃᖅᐹᓪᓕᕐᓂᐊᖅᑐᑎᑦ. ᐋᓐᓂᐊᒐᓛᖃᑦᑕᖅᐸᑦ ᓱᓕ, ᐃᓱᐊᖅᓴᐅᑎᓂᒃ ᑐᓂᔭᐅᔪᓐᓇᖅᐳᑎᑦ ᐃᑲᔪᕐᓂᐊᖅᑐᓂᒃ.

ᒪᒥᓯᒪᓕᖅᐸᑦ, ᑕᒫᓃᑦᑐᓐᓇᖅᑐᒥᒃ ᐊᑕᐅᓯᕐᒥᒃ ᐱᖓᓱᓂᒡᓗᓐᓃᑦ ᐱᓇᓱᐊᕈᓯᕐᓂ, ᖃᐅᔨᒋᐊᑦᑎᐊᕐᓂᐊᕐᒥᔪᒍᑦ ᐅᑎᕐᕕᐅᖏᑲᓗᐊᕐᒪᖓᑕ ᓈᒻᒪᒍᓂᕈᑕᐅᓚᐅᖅᑐᒥᒃ, ᐊᒻᒪᓗ ᐃᓱᒪᓕᐅᕈᑕᐅᓗᓂ ᖃᓄᖅ ᑕᐃᒪᖓᓄᑦ ᒪᑐᔭᐅᑦᑎᐊᕐᓂᐊᓕᕐᒪᖓᑕ ᐊᒻᒪᓗ ᑭᒍᑏᑦ ᐊᐅᓚᔪᓐᓃᖅᑎᑕᐅᑦᑎᐊᕐᓗᓂ.

ᑲᒪᑦᑎᐊᔪᓴᖃᕐᓃᑦ ᑭᖑᓂᐊᒍᑦ

ᐃᓚᖏᓐᓂ ᐃᓄᖕᓂ, ᐃᓱᒪᓕᐅᕈᓐᓇᕐᒥᔪᒍᑦ ᐃᓗᓪᓕᖅᑐᐃᔭᕆᐊᖃᕐᓂᖅ ᓇᒪᔪᓂᒃ ᑕᐃᒫᒃ ᖃᓄᐃᓐᓂᐊᖏᒻᒪᑦ ᑭᒍᑏᑦ. ᐊᒥᓱᓂᒡᓕ ᐊᓯᖏᓐᓂᑕᐅᖅ, ᐃᓕᓯᕕᐅᔪᓐᓇᕆᕗᑦ ᓴᕕᖕᒥᒃ ᐊᑕᑕᕐᕕᖃᕐᓂᐊᖅᑐᓂᒃ ᐱᐅᓂᖅᓴᐅᔪᓐᓇᕐᒪᑕ ᑕᐃᒫᒃ ᐋᕿᐅᒪᒍᓂ. ᐲᔭᖅᑕᐅᓯᒪᓂᖓᓄᑦ ᐃᓗᓕᖏᓃᓚᐅᖅᑐᑦ ᑭᒍᑎᖕᓂ, ᐊᑕᕐᓇᖅᑑᓕᕈᓐᓇᕐᒪᑦ ᓱᕋᖅᓴᕋᐃᑦᑑᓕᕈᓐᓇᖅᓱᓂᓗ ᐊᒻᒪᓗ ᓯᖃᓕᓴᕋᐃᑦᑑᓕᕈᓐᓇᕐᒪᑦ ᐊᑯᓂᐅᔪᒥ. ᐃᓕᓯᖁᔨᔪᓐᓇᖅᑐᒍᑦ ᐊᑕᑕᕐᕕᓕᖕᒥᒃ ᐃᑭᐊᓄᑦ ᐊᑕᔪᒥᒃ − ᐱᓗᐊᖅᑐᒥᒃ  ᑕᒪᓐᓇ ᑭᒍᑎᒋᔭᐃᑦ ᑕᒧᐊᔾᔪᑎᒋᓗᐊᖃᑕᕈᕕᒃ, ᐊᒻᒪᓗ ᓴᖏᓂᖅᐹᒥᒃ ᓂᕆᓪᓗᑎᑦ ᐊᑐᖃᑦᑕᐃᓐᓇᖅᑕᐃᑦ.

ᐅᖄᓚᓂᐊᖅᐳᑎᑦ ᐅᕙᑦᑎᓐᓄᒃ ᖃᐅᔨᓴᖅᑕᐅᔪᒪᓗᑎᑦ

ᑭᒍᑎᑦ ᐲᔭᐃᕕᐅᔭᕆᐊᖃᖅᐳᑦ ᐅᕝᕙᓗᓐᓃᑦ ᓈᒻᒪᒍᓂᖅᓯᒪᓇᓱᒋᓕᖅᐱᐅᒃ ᑭᒍᑏᑦ? ᐅᕙᑦᑎᓐᓄᑦ ᐅᖄᓚᓂᐊᖅᐳᑎᑦ ᐊᔪᕐᓇᕈᓐᓃᑐᐊᖅᐸᑦ ᐱᐅᓂᓴᒥᒃ ᐃᑲᔪᕈᓐᓇᕐᓂᐊᕋᑦᑕ. ᑕᒪᒃᑯᐊ ᑲᒪᒋᔭᐅᕙᖕᓂᖏᓐᓂᒃ ᑭᒍᑎᕕᑦ ᐃᑭᐊᒍᑦ ᐊᑕᑕᕐᕕᖏᑦ ᐋᓐᓂᕐᓇᕇᒃᑯᑎᖃᓱᖑᖕᒪᑕ ᐃᒃᐱᓐᓇᓲᖑᖏᑦᑐᑦ ᑲᒪᒋᔭᐅᓂᖏᓐᓂ, ᑭᒍᑎᓕᕆᔨᕗᓪᓗ ᐃᑕᒍᓱᐃᓐᓇᓲᖑᖕᒪᑦ, ᐊᔪᖏᑦᑎᐊᖅᓱᑎᒃ ᐊᒻᒪᓗ ᐃᓕᓐᓂᐊᖅᓯᒪᑦᑎᐊᖅᓱᑎᒃ. ᐃᑲᔪᕈᒪᑦᑎᐊᖅᑐᒍᑦ ᐃᓕᖕᓂᒃ ᖃᓄᐃᑦᑑᓐᓃᖁᔨᓂᖅ ᑕᒪᐅᓇ ᐊᒻᒪᓗ ᖁᖓᑐᓐᓇᑦᑎᐊᕐᓂᕐᓂᒃ.

ᓴᐳᓐᓂᐊᕉᑎᑦ ᓯᒥᒃᑎᕈᑏᑦ

ᑭᒍᑎᓄᑦ ᓯᒥᒃᑎᕈᑏᑦ ᐱᐅᔪᐊᓘᖃᑦᑕᖅᐳᑦ ᐃᓄᖕᓄᑦ ᑭᒍᑎᖃᖅᑐᓂᒃ ᐃᓗᑐᓂᓕᐊᓗᖕᓂᒃ ᐅᕝᕙᓗᓐᓃᑦ ᐊᐅᒪᓕᖅᓴᕋᐃᑦᑐᓂᒃ ᑭᒍᑎᖃᕈᑎᒃ. ᐱᓗᐊᖅᑐᒥᒃ ᑕᒪᒃᑯᐊ ᐊᑑᑎᓕᐊᓘᕗᑦ ᓄᑕᕋᓄᑦ ᓱᑲᓕᒃᑐᒃᑲᐅᓂᖏᓐᓄᑦ ᐊᒻᒪᓗ ᑭᒍᑎᓯᐅᑦᑎᐊᕈᓐᓇᖏᓐᓄᑦ ᓱᓕ. ᓱᓕᔪᕆᓪᓗᑎᒍᑦ ᐃᓕᔅᓯᓐᓂ ᐊᖏᕐᕋᒥ ᑲᒪᑦᑎᐊᔪᓴᖃᑕᕆᐊᖃᕐᓂᕐᒥᒃ, ᑕᒪᒃᑯᐊ ᓯᒥᒍᑎᑦ ᓱᕈᕈᑕᐅᑦᑕᐃᓕᒪᔪᓐᓇᕆᕗᑦ.

ᓯᒥᒃᑎᕈᑏᑦ ᐊᑐᖅᑕᐅᕙᒃᑐᑦ ᓴᐳᓐᓂᐊᕈᑕᐅᓗᑎᒃ ᐊᑯᓐᓂᖏᓐᓂ ᑭᒍᑎᕕᑦ ᐃᑭᖓᓂ ᐊᒻᒪᓗ ᓂᕿᕕᓃᑦ ᐊᑕᑕᖁᓇᒋᑦ ᖃᓂᕐᓗᓕᕈᑕᐅᓕᕈᓐᓇᖅᑐᑦ ᐱᑕᖃᓕᕈᓇᕐᓂᖏ ᐃᓗᑐᓂᖃᕐᓂᖏᓐᓄᑦ ᑭᒍᑎᑎᑦ. ᐊᑕᐅᓰᓐᓇᑯᓗᖕᒥᒃ ᖁᑉᐱᕉᔭᖃᓕᕈᓂ ᐱᒋᐊᕈᑕᐅᔪᓐᓇᕐᒪᑦ ᐱᕈᖅᐸᓕᐊᓕᕈᓐᓇᖅᑐᓂᒃ ᓇᒻᒪᓈᖅᓯᒪᑐᐊᕈᑎᒃ ᐱᕈᕈᓐᓇᖅᓯᓂᖅ. ᑕᒪᒃᑯᐊ ᑯᑉᐱᕈᓕᑦ ᑕᑯᒃᓴᐅᖏᑦᑐᓂᒃ ᐊᐅᓚᔪᓐᓇᕐᒪᑕ ᐃᓗᐊᒍᑦ ᑭᒍᑎᕕᑦ, ᐱᕈᖅᐸᓪᓕᐊᓗᑎᒃ, ᐊᒻᒪᓗ ᐱᔾᔪᑕᐅᔪᓐᓇᖅᑐᑦ ᐱᒻᒪᕆᐊᓗᖕᒥᒃ ᓱᕈᐃᕙᓪᓕᐊᓕᕈᓐᓇᕐᓂᕐᒥᒃ ᑭᒍᑎᖕᓂᒃ, ᐋᓐᓂᐊᕈᑕᐅᓕᕈᓐᓇᖅᑐᖅ ᐊᒻᒪᓗ ᐊᖏᔪᑎᐊᓗᖕᓂᒃ ᓴᓇᔭᐅᑦᑎᐊᒃᑲᓐᓂᕆᐊᖃᓕᕈᓐᓇᖅᑐᑦ.

ᑭᒍᑎᓄᑦ ᓯᒥᒃᑎᕈᑏᑦ ᕿᓪᓚᔪᑭᐊᒃᓴᔭᐅᔪᑦ ᐊᐅᒃᑕᔫᑦ ᐃᓕᐅᖃᖅᑕᐅᕙᒃᑐᑦ ᖄᖔᒍᑦ ᑭᒍᑎᕕᑦ, ᓂᕿᓄᑦ ᓂᑉᐱᖓᕕᐅᒐᒧᒃᑐᓂᒃ. ᐃᒃᐱᖕᓂᐊᒌᒃᑯᑎᖃᕆᐊᖃᑐᖏᑦᑐᖅ ᐃᓕᐅᖃᖅᑕᐅᓂᖏᓐᓄᑦ ᑕᒪᒃᑯᐊ. ᑕᑯᒃᓴᐅᖏᒻᒪᑕ, ᐸᒡᕕᓇᕋᑎᓯᒡᓗ, ᐊᒻᒪᓗ ᐊᑐᖅᑕᐅᔪᓐᓇᖅᓱᑎᒃ ᑕᓪᓕᒪᓂᑦ ᐊᕐᕋᒍᓄᑦ. ᑭᖑᓂᐊᒍᑦ  ᐱᑐᖃᐅᓗᐊᓕᕈᓐᓇᕐᒪᑕ ᐊᓯᔾᔨᖅᑕᐅᔭᕆᐊᖃᕋᔭᖅᑐᑦ.

ᐊᒥᓱᑦ ᓄᑕᕋᓖᑦ ᐊᖓᔪᖄᑦ ᐃᓱᒪᒃᓴᖅᓯᐅᕈᑎᖃᖅᓯᒪᕙᒃᑐᑦ ᓯᒥᒃᑎᕈᑏᑦ ᐱᐅᔫᓂᖏᓐᓂᒃ ᐊᑭᖃᕋᓗᐊᖅᑎᓪᓗᒋᑦ ᐱᓇᓱᐊᕈᒪᕙᒃᑐᑦ ᓄᑕᕋᖏᓐᓄᑦ ᐃᑲᔪᕐᓂᖃᕈᓇᕐᓂᖏᓐᓄᑦ ᐃᓚᖅᑐᖅᑕᐅᔭᕆᐊᖃᖏᓂᖏᓐᓄᑦ ᐊᖕᒪᔪᖃᓕᕐᓂᖏᓐᓄᑦ ᑭᒍᑎᖏᓐᓂ ᐊᐅᒪᓂᕐᒧᑦ, ᓯᕗᓂᒃᓴᒥᒃ. ᐃᓛᖅᑐᖅᑕᐅᖃᑕᕐᓂᖏᓐᓂ ᑲᒪᒋᔭᐅᑯᑖᖕᓂᖅᓴᐅᔭᕆᐊᖃᕐᒪᖓᑕ ᐊᑯᓂᐅᓂᖅᓴᐅᕙᒃᓱᑎᒡᓗ. ᑕᒪᒃᑯᐊ ᓯᒥᒃᑎᕈᑏᑦ ᕿᓚᒥᐊᓗᒃ ᐃᓕᐅᖃᖅᑕᐅᔪᓐᓇᖅᑐᑦ ᐊᒥᓲᖏᑦᑐᓂᒃ ᒥᓂᑦᓯᓂᒃ.

ᑭᒍᑎᓄᑦ ᓯᒥᒃᑎᕈᑏᑦ ᖃᓄᑐᐃᓐᓇᖅ ᐅᑭᐅᓕᖕᓄᑦ

ᑕᒪᒃᑯᐊ ᑭᒍᑎᓂᒃ ᓯᒥᒃᑎᕈᑏᑦ ᓄᑕᕋᓄᑦ ᐊᑐᖅᑕᐅᒐᔪᒃᑲᓗᐊᖅᑎᓪᓗᒋᑦ, ᐃᑲᔪᖅᑕᐅᔪᓐᓇᕐᒥᔪᑎᑦ ᐃᓕᓯᕕᐅᓗᑎᒃ ᓯᒥᒃᑎᕈᑎᓂᒃ. ᓱᕋᐃᔪᒪᖏᒃᑯᕕᑦ ᐊᒻᒪᓗ ᓴᐳᓐᓂᐊᕈᒪᒍᕕᒋᑦ ᑭᒍᑎᑎᑦ, ᑭᒍᑎᓕᕆᔨᕗᑦ ᖃᐅᔨᑎᑦᑎᔪᓐᓇᖅᑐᖅ ᐃᓕᖕᓂᒃ ᓯᒥᒃᑎᕈᑎᓂᒃ ᐃᓕᓯᕕᐅᔪᓐᓇᕐᒪᖔᖅᐱᑦ ᐃᑲᔪᕈᓐᓇᖅᑐᓂᒃ ᐃᓕᖕᓂᒃ.

ᐅᕙᑦᑎᓐᓄᑦ ᐅᖄᓚᓂᐊᖅᐳᑎᑦ ᑭᒍᑎᕐᓗᓕᕇᒃᑯᑎᒃᓴᐅᔪᓂᒃ ᖃᐅᔨᓴᖅᑕᐅᔪᒪᓂᕐᒧᑦ

ᓈᒻᒪᒃᓯᖕᒥᒃᐸᑦ ᑕᑯᔭᐅᕝᕕᒃᓴᐃᑦ ᑭᒍᑎᓕᕆᔨᒧᑦ, ᑭᖑᕙᓕᕈᕕᓪᓗᓐᓃᑦ ᑕᑯᔭᐅᓇᓴᕐᓂᖅ ᖃᐅᔨᓴᖅᑕᐅᔭᕆᐊᖃᕐᓂᕐᒧᑦ ᐊᒻᒪᓗ ᓴᓗᒻᒪᖅᓴᖅᑕᐅᔭᕆᐊᖃᕐᓂᕐᒧᑦ, ᐅᖄᓚᓂᐊᖅᐳᑎᑦ ᐃᖃᓗᖕᓂ ᑭᒍᑎᓕᕆᕕᒃᑎᓐᓄᑦ ᑕᑯᔭᐅᕕᒃᓴᓂᒃ ᐋᖀᒍᔾᔭᐅᔪᒪᓗᑎᑦ. ᐃᖃᓇᐃᔭᖅᑎᕕᑦ ᐱᕕᒃᓴᓂᖕᓂᐊᖅᑐᑦ ᓈᒻᒪᒋᔭᕐᓂᒃ ᑕᑯᔭᐅᕕᒃᓴᓂᒃ ᐊᑲᐅᓂᖅᐹᖑᔪᒥᒃ ᐃᓕᖕᓄᑦ. ᐃᑲᔪᕈᒪᑦᑎᐊᖅᑐᒍᑦ ᐃᓕᖕᓂᒃ ᖃᓄᐃᖏᑎᐊᖁᔨᓂᖅ ᐊᒻᒪᓗ ᐃᒃᐱᓐᓂᐊᑎᐊᖃᑕᖁᔨᓂᖅ ᓈᒻᒪᒍᓐᓃᕈᑕᐅᑕᐃᓕᒪᔪᓂᒃ ᐊᑐᕈᓐᓇᕐᓂᕐᒧᑦ ᐊᒻᒪᓗ ᐃᑲᔪᖅᑕᐅᕙᒌᕈᓐᓇᕐᓂᕐᒧᑦ ᓈᒻᒪᒍᓂᕈᑕᐅᔪᓐᓇᖅᑐᑦ ᓴᕿᑎᑕᐅᑦᑕᐃᓕᖁᓪᓗᒋᑦ.